Участник:Ibrahim9a6

Müasir kitabxana – informasiya resursları ilə təchiz olunaraq cəmiyyətin ixtiyarına verilmiş informasiya mərkəzidir.

Dərs prosesində lazım olan bütün dərsliklər məktəb kitabxanası tərəfindən verilir. Kitabxanadan həmçinin elmi mərkəz kimi də istifadə olunur.

Kitabxana aşağıdakı funksiyaları həyata keçirir:

   * Komplektləşmə
   * Oxucularla iş
   * Təşkilatı iş

Komplektləşmə

Kitabxanamız dərs ilinin əvvəlindən Təhsil Nazirliyi tərəfindən lazım olan sayda dərsliklər, bədii ədəbiyyat, ensiklopediyalar, elektron vəsaitlər, plakatlar və xəritələrlə təmin olunmuşdur.Kitabxanamız müxtəlif fənlər üzrə “Avanta+” və “Ayna” uşaq ensiklopediyaları, o cümlədən, kimya, fizika, cəbr, həndəsə, tarix, coğrafiya, biologiya, rus-dili, informatika, ingilis dili və ədəbiyyat fənlərinə aid CD disklər, həmçinin yaradıcılıq və intellektual inkişaf üçün DVD disklərlə təmin olunmuşdur. Qiymətli kitabların əsasını bədii ədəbiyyat təşkil edir.

Oxucularla iş.

Müəllim və şagirdlər kitablar və əlavə materiallar sayəsində ətraflı məlumatlar alırlar. Bəzi qiymətli kitablar və ensiklopediyalardan lazım olan məlumat və mətnlər, onların qorunması baxımından, surəti çıxarılaraq oxuculara təqdim olunur. Yeni metodiki ədəbiyyat və vəsaitlər alındıqda onların siyahısı müəllimlər otağındakı elan lövhəsinə vurulur. Başqa elmi jurnal və qəzetlərə ehtiyac olduqda isə kitabxanaya müraciət olunur və onların da alınması nəzərdə tutulur.

Məktəbimizdə 317 şagird təhsil alır. Kitabxanamızda kompüter internet şəbəkəsinə qoşularaq istifadəyə verilmişdir. Belə kompüter rəqəmsal resurslardan istifadə etməyə kömək edir.

Təşkilatı iş.

Görülən işlərlə yanaşı kitabxanada sərgilər, gecələr və görüşlər də keçirilir. Bu ilki dərs ilində “Yeni kitablar” və “Kitab tarixi” başlığı altında sərgilər keçirilmişdir. Əbdürrəhim bəy Haqverdiyev və Cek London yaradıcılığına həsr olunmuş disputda müəllim və şagirdlərimiz aktiv iştirak etmişdir.

Hal-hazırda Nəriman Həsənzadə ilə görüş, Mehdi Hüseynin 100 illiyinə həsr olunmuş gecəyə hazırlıq işləri görülür.

Kitabxanaçı: Qarayeva Nübar Məhəbbət qızı

[[Категория:Преподаватель? Учитель? Ученик? Студент? Тьютор?